பொறியியல் கல்லூரிகளில் மாணவர்கள் சேர்வதற்கான பொது கலந்தாய்வு இன்று தொடங்கியது.
பொறியியல் கல்லூரிகளில் மாணவர்கள் சேர்வதற்கான முதல் கட்ட கலந்தாய்வு கடந்த 18 ஆம் தேதி அண்ணா பல்கலைக் கழகத்தில் தொடங்கியது. உடல் ஊனமுற்ற மாணவர்களுக்கான கலந்தாய்வு, விளையாட்டு, தொழில் கல்வி மாணவர்களுக்கான கலந்தாய்வு ஏற்கனவே முடிந்து விட்டது.
இந்நிலையில் பொதுப் பிரிவு மாணவர்களுக்கான கலந்தாய்வு இன்று தொடங்கியது. இதில் கலந்து கொள்ள அதிக அளவில் மாணவர்கள் வருவதால் கலந்தாய்வு நடைமுறைகளை எளிதாக்க கூடுதலான கம்ப்யூட்டர்கள் வைக்கப்பட்டுள்ளன. மேலும், பெரிய தொடு திரைகளும் கூடுதலாக வைக்கப்பட்டுள்ளன.
கலந்தாய்வில் பங்கேற்க 25 ஆயிரம் பேருக்கு அழைப்பு கடிதம் அனுப்பப்பட்டிருப்பதாக தமிழ் நாடு பொறியியல் மாணவர் சேர்க்கை பிரிவு செயலர் உத்தரியராஜ் தெரிவித்துள்ளார்.
