மதுரை இடைத்தேர்தலில் பதிவான வாக்குகளை எண்ணும் பணி நடந்து வருகிறது. இதுவரை எண்ணப்பட்டதில் காங்கிரஸ் கட்சி வேட்பாளர் 16,564 வாக்குகள் அதிகம் பெற்று முன்னிலையில் உள்ளார்.
காங்கிரஸ் கட்சி வேட்பாளர் ராஜேந்திரன் 35,851 வாக்குகளும், அஇஅதிமுக வேட்பாளர் 19,587, வாக்குகளும், தேமுதிக வேட்பளார் 12,238 வாக்குகளும் பெற்றுள்ளனர்.
மதுரை மேற்கு தொகுதிக்கு கடந்த 26 ஆம் தேதி இடைத்தேர்தல் நடைபெற்றது. காங்கிரஸ், அஇஅதிமுக, தேமுதிக வேட்பாளர்கள் உட்பட 29 பேர் போட்டியிட்ட இந்த தேர்தல் மின்னணு வாக்குபதிவு இயந்திரம் மூலம் நடைபெற்றது. இந்த தேர்தலில் 75 விழுக்காடு வாக்குகள் பதிவாகின.
வாக்குபதிவு இயந்திரங்களுக்கு சீல் வைக்கப்பட்டு வாக்கு எண்ணிக்கை நடைபெறும் மதுரை மருத்துவ கல்லூரியில் பத்திரமாக வைக்கப்பட்டது. இன்று காலை8 மணிக்கு வாக்குகள் எண்ணும் பணி தொடங்கியது.
மின்னணு வாக்குபதிவு இயந்திரம் மூலம் தேர்தல் வாக்குபதிவு நடைபெற்றிருப்பதால் இன்று பிற்பகல் 11 மணிக்கு முடிவு தெரிந் விடும். வாக்கு எண்ணிக்கை நடைபெறும் மதுரை மருத்துவ கல்லூரிக்கு பலத்த காவல்துறை பாதுகாப்பு செய்யப்பட்டுள்ளது.
