இரண்டு ஆண்டுகளுக்குப் பிறகு உலக டென்னிஸ் தரவரிசை பட்டியலில் சானியா மிர்சா மீண்டும் 31 வது இடத்திற்கு முன்னேறியுள்ளார்.
ஸ்டான்ஃபோர்டில் நடைபெற்ற வெஸ்ட் கிளாசிக் டென்னிஸ் போட்டியில் இஸ்ரேல் வீராங்கனை ஷகார் பீர் உடன் இணை சேர்ந்து இரட்டையர் பட்டத்தை சானியா மிர்சா வென்றுள்ளார். அதேபோல் இப்போட்டியின் மகளிர் ஒற்றையர் பிரிவில் இறுதி போட்டிக்கு சானியா மிர்சா தகுதி பெற்றார்.
இந்நிலையில் உலக டென்னிஸ் தரவரிசை பட்டியல் இன்று வெளியிடப்பட்டுள்ளது. இதில் உலக டென்னிஸ் தரவரிசையில் சானியா மிர்சா மீண்டும் 31 இடத்திற்கு முன்னேறி உள்ளார். இதற்கு முன்பு 2005 ஆண்டு அக்டோபர் மாதம் வெளியிடப்பட்ட தரவரிசையில் அவர் 31 வது இடத்திற்கு முன்னேறினார். இதுவே அவரது அதிகபட்ச தரவரிசை பட்டியல் முன்னேற்றமாக இருந்தது.
தற்போது அதை மீண்டும் அவர் சமன் செய்துள்ளார் உலக டென்னிஸ் தரவரிசை பட்டியல் இரட்டையர் பிரிவில் 26 வது இடத்திற்கு சானியா மிர்சா முன்னேறி உள்ளார்.
