காங்கிரஸ் அரசைக் காப்பாற்றும் வகையில் இந்திய - அமெரிக்க அணு சக்தி ஒப்பந்தத்திற்கு ஆதரவு தெரிவித்து சமாஜ்வாடி கட்சி முடிவெடுத்திருப்பதற்கு, அக்கட்சி அங்கம் வகிக்கும் ஐக்கிய தேச முற்போக்கு கூட்டணியில் இடம்பெற்றுள்ள இந்திய தேச லோக் தள் கட்சி, தெலுங்கு தேசம் கட்சி ஆகியவை கடும் கண்டனம் தெரிவித்துள்ளன.
இதுகுறித்துக் கேட்டதற்கு, "காங்கிரஸ் எங்களிடம் ஆதரவு கேட்கவும் இல்லை, நாங்கள் ஆதரவு வழங்குவதாகத் தெரிவிக்கவும் இல்லை" என்று இன்று புது டெல்லியில் செய்தியாளர்களிடம் பேசிய அமர்சிங் கூறினார்.
