மும்பையில் தீவிரவாதிகள் ஊடுருவி இருப்பதாக தகவல்கள் கிடைத்துள்ளதாக பாதுகாப்பு தரப்பில் தெரிவிக்கப்பட்டுள்ளது.
தீபாவளி பண்டிகையை முன்னிட்டு அசம்பாவிதங்களை தவிர்க்க பெரிய நகரங்களில் காவலர்கள் தீவிர கண்காணிப்பில் உள்ளனர்.
இந்நிலையில், மும்பையில் தீவிரவாதிகள் ஊடுருவி இருப்பதாக தகவல்கள் கிடைத்ததையடுத்து காவல்துறையினர் எச்சரிக்கப்பட்டுள்ளனர்.
மும்பையில் முக்கிய பகுதியில் குண்டு வெடிப்பு நடத்த பெண் தீவிரவாதி உள்பட 4 பேர் சதி திட்டத்தில் ஈடுபட்டுள்ளதாகவும், இவர்கள் புகைப்படம் காவலர்களிடம் சிக்கி இருப்பதாகவும் தெரிவிக்கப்பட்டுள்ளது.
அதனையடுத்து அங்கு பலத்த பாதுகாப்பிற்கு ஏற்பாடு செய்யப்பட்டுள்ளது.
