2012, 13ம் நிதியாண்டில் ஜூலை முதல் செப்டம்பர் மாத இடைவெளியில் 5.3 சதவீதம் பொருளாதார வளர்ச்சியில் வீழ்ச்சி ஏற்பட்டுள்ளது.
மத்திய புள்ளியியல் நிறுவனம் நேற்று வெளியிட்ட அறிக்கையின்படி, கடந்த ஆண்டு ஜூலை முதல் செப்டம்பர் காலகட்டத்தில் 6.7 சதவீதமாகவும், முதல் காலாண்டில் 5.5 சதவீதமாகவும் இருந்த இந்திய பொருளாதார வளர்ச்சி தற்போது வீழ்ச்ச்யை கண்டுள்ளது.
செப்டம்பர் மாதத்துடன் நிறைவடைந்த இரண்டாம் காலாண்டில் நாட்டில் உற்பத்தித் துறை 0.8 சதவீதமும், வேளாண் துறை 1.2 சதவீதமும் வளர்ச்சி கண்டுள்ளன.
இது குறித்து மத்திய நிதி அமைச்சர் ப.சிதம்பரம் விளக்குகையில், 5.3 சதவீதம் வளர்ச்சி வீதம் பொருளாதார வளர்ச்சி எதிர்பார்ப்புகளுக்கு கிழே உள்ளதாக தெரிவித்தார். மழையின்மை, உற்பத்தி திறனின்மையே இதற்கு காரணம் என்று தெரிவித்துள்ளார்.
