இந்த நிலையில் திருப்பூரில் இருந்து நேற்று ஐயப்ப பக்தர்கள் சிலர் பேருந்து மூலம் சபரிமலைக்கு சென்றிருந்தனர். இவர்களது பேருந்து எர்ணாகுளம் மாவட்டம் பெரும்பாவூர் அருகே இன்று அதிகாலை 3 மணியளவில் சென்று கொண்டிருந்தபோது எதிர்பாராத வகையில் சாலையோரம் நின்று கொண்டிருந்த லாரி மீது பயங்கரமாக மோதியது. இந்த விபத்தில் ஐயப்ப பக்தர் ஒருவர் சம்பவ இடத்திலேயே பலியானார். அவர் திருப்பூரை சேர்ந்த தர்மலிங்கம் என்று கூறப்படுகிறது
மேலும் பேருந்தில் சென்ற 17 ஐயப்ப பக்தர்களுக்கு படுகாயம் ஏற்பட்டுள்ளதாகவும் இதில் ஒரு பக்தரின் நிலைமை கவலைக்கிடமாக இருப்பதாகவும் தகவல்கள் கூறுகின்றன. இந்த விபத்து குறித்து தகவல் அறிந்த எர்ணாகுளம் போலீசார் வழக்குப்பதிவு செய்து விசாரணை நடத்தி வருகின்றனர். ஐயப்ப பக்தர்கள் சென்ற பேருந்து விபத்தில் சிக்கி, அதில் ஒரு பக்தர் பலியாகியுள்ளது பெரும் சோகத்தை ஏற்படுத்தியுள்ளது
