சத்தீஷ்கர் மாநிலம் துர்க் மாவட்டம் ராஜ்பூர் கிராமத்தில் பாஜக தலைவர் ஹரிஷ் வர்மாவுக்கு சொந்தமான கோசாலை ஒன்று உள்ளது. அந்த கோசாலையில் பசுக்கள் பசியாலும், மருத்துவ வசதியின்றியும் தொடர்ந்து உயிரிழந்துள்ளன. இதுவரை 200 பசுக்கள் உயிரிழந்துள்ளன. இறந்த பசுக்களின் சடலங்கள் கோசாலை அமைந்துள்ள பகுதியிலே புதைக்கப்பட்டு வருவதாக தெரிவிக்கப்பட்டுள்ளது.
பசுக்கள் உயிரிழப்பு தொடர்பாக சத்தீஷ்கர் ராஜ்ய கவ் சேவா ஆயோக் அமைப்பு காவல்துறையில் புகார் செய்தது. இதையடுத்து கோசாலையில் ஆய்வு செய்த காவல்துறையினர், போதிய அடிப்படை வசதிகள் இல்லதாதே பசுக்களின் உயிரிழப்புக்கு காரணம் என தெரிவித்துள்ளனர். தற்போது ஹரிஷ் வர்மாவை காவல்துறையினர் கைது செய்துள்ளனர்.
