அதனால் இன்றைய போட்டி குஜராத்துக்கு முக்கியமான போட்டி. அதேசமயம் 8 புள்ளிகளுடன் 9வது இடத்தில் உள்ள சன்ரைசர்ஸ் அணி அடுத்த 3 போட்டிகளிலும் வென்றால், இதுவரை யாரும் 16 புள்ளிகளை தொடாமல் இருப்பதால் 14 புள்ளிகளுடன் தொடர்ந்து முன்னேற வாய்ப்பாக இருக்கும். லீக் ஆட்டங்கள் முடிவில் 16 புள்ளிகளை 4 அணிகள் எட்டாத பட்சத்தில் இது கை கொடுக்கலாம் என்பதால் சன்ரைஸர்ஸ் அணிக்கும் ஒரு வாய்ப்பு உள்ளது.
பேட்டிங், பவுலிங் என அனைத்திலும் பலமாக உள்ள குஜராத் அணி சன்ரைசர்ஸை வீழ்த்துவதற்கு வாய்ப்புகள் அதிகம் என்றாலும், இந்த லீக் போட்டியில் இரு அணிகளுமே மோதிக் கொள்ளும் முதல் போட்டி இது என்பதால் என்ன வேண்டுமானாலும் நடக்கலாம். சமீப போட்டிகளில் அப்படிதான் எதிர்பாராத திருப்பங்கள் நடந்து வருகிறது. இந்த போட்டி மாலை 7.30 மணியளவில் தொடங்குகிறது.
