உலகம் முழுவதும் கொரோனா பரவி விட்ட நிலையில் அமெரிக்கா உலகளவில் அதிகமான கொரோனா பலிகளையும், பாதிப்புகளையும் கொண்ட நாடாக உயர்ந்துள்ளது. கொரோனாவுக்கு மருந்து கண்டுபிடிக்க அமெரிக்க ஆராய்ச்சியாளர்கள் பலரும் பல்வேறு பரிசோதனைகளை செய்து வருகின்றனர். இந்நிலையில் சமீபத்தில் மருத்துவ நிபுணர்களுடனான உரையாடலில் அதிபர் ட்ரம்ப் “கிருமிநாசினி கொரோனாவை கொல்வதால் அதை மனித உடலில் செலுத்தி சோதிக்க முடியாதா?” என கேள்வி எழுப்பியதாக வெளியான தகவல் பலருக்கு அதிர்ச்சியை ஏற்படுத்தியுள்ளது. அவர் அதை மருத்துவ குழுவினரை கிண்டல் செய்யும் நோக்கத்தில் பேசினார் என கூறப்படுகிறது.
மேலும் கிருமிநாசினிகளை கை கழுவுதல் உள்ளிட்ட செயல்பாடுகளுக்கு மட்டுமே பயன்படுத்த வேண்டும் என்றும், அதை குடிப்பதோ, ஊசி மூலம் செலுத்தி கொள்வதோ ஆபத்தான காரிய,. யாரும் அவ்வாறு செய்ய வேண்டாம் என்றும் டெட்டால் மற்றும் லைசால் தயாரிப்பாளர்கள் கேட்டுக் கொண்டுள்ளனர்.
