அமெரிக்க அதிபர் தேர்தலில் வெற்றி பெற்ற டொனால்ட் டிரம்ப், தொழில் அதிபர் எலான் மஸ்க் மற்றும் தமிழர் விவேக் ராமசாமி ஆகிய இருவரை வைத்து புதிய துறையை உருவாக்க இருக்கிறார். இந்நிலையில் இந்த துறை, சீனாவுக்கு பெரும் அச்சுறுத்தலை ஏற்படுத்தும் என சீன அரசின் கொள்கை ஆலோசகர் தெரிவித்துள்ளதாக தகவல் வெளியாகி உள்ளது.
அமெரிக்கா அதிபராக டிரம்ப் தேர்வு செய்யப்பட்டிருக்கும் நிலையில், அவரது ஆட்சி காலத்தில் சீனாவுக்கு மிகப்பெரிய அச்சுறுத்தல் இருக்கும் என்றும், பெரும் சவால்கள் இருக்கும் என்றும் கூறப்படுகிறது. குறிப்பாக தொழிலதிபர் எலான் மஸ்க் மற்றும் விவேக் ராமசாமி ஆகிய இருவரால் ஆரம்பிக்கப்பட்ட புதிய துறை, சீனாவுக்கு பெரும் அச்சுறுத்தலாக இருக்கும் என்றும் சர்வதேச விவகாரங்களுக்கான நிறுவனங்கள் நடத்திய கூட்டத்தில் சீனாவின் கொள்கை ஆலோசகர் தெரிவித்தார்.
அமெரிக்காவுக்கான சீனாவின் ஏற்றுமதிகள் மீது விதிக்கப்படும் வரிகள் 60 சதவீதமாக அதிகரிக்க வாய்ப்பு இருப்பதாகவும், இதனால் சீனாவுக்கு பெரும் சவால் தயாராகி வருகிறது என்றும் அவர் தெரிவித்தார். சீனாவுடன் நேரடி போரில் அமெரிக்கா ஈடுபடாது என்றாலும், வர்த்தக போரில் ஈடுபட அதிக வாய்ப்பு இருப்பதாகவும், அரசு சீனாவுக்கு சவால் அளிப்பதாக இருக்கும் என்றும் அவர் தெரிவித்தார்.
இந்நிலையில் எலான் மஸ்க், விவேக் ராமசாமி ஆகியஇருவரும் சேர்ந்து புதிய அரசின் செயல் திறன் மேம்பாட்டு துறை தலைவர்களாக நியமனம் செய்யப்பட்டுள்ள நிலையில், அமெரிக்காவின் ஆயிரக்கணக்கான விதிமுறைகளை மாற்றவும் அகற்றவும் வாய்ப்பு இருப்பதாகவும், அரசு பணியாளர்கள் குறைக்க வாய்ப்பு இருப்பதாகவும் கூறப்படுகிறது.
