தமிழ்நாட்டை ஒரு தமிழரே ஆளவேண்டும், தமிழகத்தின் வேலைவாய்ப்புகள் அனைத்தும் தமிழர்களுக்கே கிடைக்க வேண்டும்,. தமிழ்நாட்டில் மற்ற மாநிலத்தவர்கள் வாழ தகுதியுண்டு ஆனால் ஆள தகுதியில்லை என்று சீமான் கடந்த சில ஆண்டுகளாக பிரச்சாரம் செய்து வருகிறார். இவருடைய கொள்கை உயர்ந்ததாக இருந்தாலும், அவர் மீது நம்பகத்தன்மை இன்னும் மக்களுக்கு ஏற்படாததால் அவரது கட்சி இன்னும் டெபாசிட் வாங்கவே போராடி வருகின்றது
அமெரிக்காவில் வரும் 2020ஆம் ஆண்டு நவம்பர் மாதம் அதிபர் தேர்தல் நடைபெறவுள்ளது. இந்த தேர்தலில் மீண்டும் போட்டியிட முடிவு செய்துள்ள டிரம்ப் இப்போதே தனது பிரச்சாரத்தை தொடங்கிவிட்டார். பிரச்சாரத்தில் அவர் எடுத்து கொண்ட முக்கிய பிரச்சனை, அமெரிக்காவின் பெரும்பாலான வேலைவாய்ப்பை இந்தியர்கள் உள்பட வெளிநாட்டினர் பறித்து கொள்வதாகவும், அதனை தடுக்க தன்னுடைய அரசு நடவடிக்கை எடுத்து வருவதாகவும், இந்த நடவடிக்கை தொடர மீண்டும் தான் அதிபராவது அவசியம் என்றும் பிரச்சாரம் செய்து வருகிறார்.
