விண்வெளி ஆராய்ச்சியில் ஈடுபட்டிருக்கும் அமெரிக்காவின் நாசா விண்வெளி ஆராய்ச்சி மையம் விண்வெளியில் உள்ள பிற பால்வெளி அண்டங்கள், பெரிய நட்சத்திரங்கள், நெபுலா உள்ளிட்டவற்றை ஆராய ஜேம்ஸ்வெப் தொலைநோக்கியை சமீபத்தில் விண்வெளிக்கு அனுப்பியது.
விண்வெளி சென்ற ஜேம்ஸ்வெப் தொலைநோக்கி பிரபஞ்சத்தின் இதுவரை மனித இனம் காணாத பல கேலக்சிகளையும், கோள்கள், நெபுலா உள்ளிட்டவற்றையும் படம் பிடித்து அனுப்பியது.
தற்போது ஜேம்ஸ்வெப் தொலைநோக்கி சூரிய குடும்பத்தை சேர்ந்த நெப்டியூனை படம் பிடித்துள்ளது. நெப்டியூனை சுற்றியுள்ள தூசி படலங்களுடன் அதன் வளையங்களும் இந்த படத்தில் தெளிவாக தெரிகின்றன. நெப்டியூனின் 14 நிலவுகளில் 7 நிலவுகள் படத்தில் தென்படுகிறது. உறைநிலை கோளான நெப்டியூனின் ஜொலிக்கும் புகைப்படம் பலரையும் வியப்பில் ஆழ்த்தியுள்ளது.
