உலகின் டாப் கோடீஸ்வரர்கள் வரிசையில் முக்கியமானவராக இருப்பவர் எலான் மஸ்க். டெஸ்லா கார் நிறுவனம், ஸ்பேஸ் எக்ஸ் விண்வெளி ஆய்வு நிறுவனம் என பல நிறுவனங்களை நிர்வகித்து வரும் எலான் மஸ்க் சமீபத்தில் ட்விட்டரை வாங்க முடிவு செய்ததும், பின்னர் பின்வாங்கியதும் உலக அளவில் வைரலானது.
தற்போது கார், ராக்கெட் பிஸ்னஸிற்கு பிறகு பிஸியான கால்பந்து பிஸ்னஸில் நுழைய ஆர்வம் காட்டி வருகிறாராம் எலான் மஸ்க். ஐரோப்பாவில் உள்ள புகழ்பெற்ற கால்பந்து அணிகளில் ஒன்றை வாங்க மஸ்க் முயற்சி செய்து வருகிறார். லா லிகா, ஈரோ கோப்பை உள்ளிட்ட பல க்ளப் ஆட்டங்களில் தனி முத்திரை பதித்த மான்செஸ்டர் யுனைட்டட் கால்பந்து அணியை வாங்க மஸ்க் டீல் பேசி வருவதாக தகவல்கள் வெளியாகியுள்ளது.
