கிறிஸ்டோபர் நோலன் இயக்கத்தில் வெளியாகி ஹிட் அடித்த படம் ”பேட்மேன்: டார்க் நைட்”. இந்த படத்தில் பேட்மேன் ஓட்டும் வாகனம் ரொம்பவே பிரபலமானது. கார் போல இருக்கும் அந்த வாகனத்தில் இருந்து ஒரு பகுதி பிரிந்து பைக்காகவும் செல்லும். அப்படியான ஒரு வாகனத்தை உண்மையாகவே உருவாக்கியுள்ளது ஹீரோ மோட்டோகார்ப் நிறுவனம்.
இந்த வாகனம் பார்க்க சாதாரண ஆட்டோ போல இருக்கும். தேவைப்பட்டால் இதிலிருந்து ஸ்கூட்டரை தனியாக பிரித்து எடுத்து இயக்க முடியும். ஆட்டோவிலிரிந்து ஸ்கூட்டரை பிரிக்க 3 நிமிடங்களே ஆகும். ஆட்டோ ரிக்ஷாவாக 500 கிலோ எடை வரை சுமக்கும் திறன் கொண்டது இந்த வாகனம். ஆட்டோவாக 50 கி.மீ வேகத்திலும், ஸ்கூட்டராக 60 கி.மீ வேகத்திலும் செல்லக் கூடியது.
