நடேஷ் மற்றும் பிரியா இலங்கையிலிருந்து அகதிகளாக 2012ம் ஆண்டு ஆஸ்திரேலியா தப்பி வந்து அகதிகள் முகாமில் வாழ்ந்து வந்தனர். இருவருக்கும் காதல் ஏற்பட்டு திருமணமும் செய்து கொண்டனர். தற்போது நான்கு வயது மற்றும் இரண்டு வயதில் இரண்டு பெண் குழந்தைகளும் உள்ளனர். பிறகு இவர்கள் முகாமிலிருந்து வெளியேறி குயின்ஸ்லாந்து மாகாணத்தில் உள்ள பிலோலா என்னும் பகுதியில் வாழ்ந்து வருகின்றனர்.
இதையறிந்த பிலோலா நகர்வாசிகள் பலர் நடேஷ் குடும்பத்தினருக்கு ஆதரவாக போராட்டம் செய்து வருகின்றனர். இதுகுறித்து பேசிய நடேஷ் குடும்பத்தின் நண்பரும், வழக்கறிஞருமான ஏஞ்சலா ப்ரெடரிக் “நடேஷ் மற்றும் பிரியா எங்களுக்கு நல்ல நண்பர்கள். அவர்கள் இலங்கையில் பல கொடூரங்களை அனுபவித்து தப்பி இங்கு வந்தார்கள். அவர்களை திருப்பி அனுப்புவதை அவர்களும், நாங்களும் விரும்பவில்லை. எனவே இதற்காக தொடர்ந்து போராடுவோம்” என தெரிவித்தார்.
