படத்துக்கு நல்ல எதிர்பார்ப்பு இருந்தும் ரிலீஸுக்குப் பிறகு கலவையான விமர்சனங்களையேப் பெற்றது. படத்தின் குறையாக அதிக நேரம் ஓடுவதும், இரண்டாம் பாதியில் ஆமை வேகத்தில் நகர்வதும் சொல்லப்பட்டது. இந்த படத்தின் இரண்டாம் பாகமும் விரைவில் உருவாகும் என சொல்லப்பட்டது.
இந்நிலையில் சமீபத்தில் ஒரு நேர்காணலில் பேசியுள்ள இயக்குனர் கௌதம் மேனன் வெந்து தணிந்தது காடு 2 படம் வருமா என்ற கேள்விக்கு பதிலளித்துள்ளார். அதில் “நானும் ஜெயமோகனும் இணைந்து கதையை முடித்துவிட்டோம். ஆனால் இடையில் சிம்புவுக்கும் தயாரிப்பாளர் ஐசரி கணேஷுக்கும் இடையில் ஏற்பட்ட பிரச்சனைக் காரணமாக தாமதம் ஆகிறது. பிரச்சனை முடிந்ததும் அந்த படம் தொடங்கப்படும்” எனக் கூறியுள்ளார்.
