காவல்துறையினருக்கு விடுமுறை என்பது இல்லாததால் அவர்கள் மனவிரக்தி, சோர்வு, அடைந்துள்ளனர். இதனால் காவல்துறையினருக்கு வாரம் ஒருநாள் விடுமுறை அளிக்க வேண்டுமென அவர்கள் கோரிக்கை விடுத்திருந்த நிலையில், தற்போதைய முதல்வர் ஸ்டாலின் தலைமையிலான திமுக அரசு, காவலர்களின் கோரிக்கையைப் பரிசீலித்து அவர்களுக்கு வாரம் ஒருநாள் விடுமுறை அளித்து உத்தரவிட்டுள்ளது.
இதுகுறித்து நடிகர் கமல்ஹாசன் தனது டுவிட்டர் பக்கத்தில். காவலர்களுக்கு வாரவிடுமுறை கட்டாயம் அளிக்கப்பட வேண்டும் என மக்கள் நீதி மய்யம் தொடர்ச்சியாக வலியுறுத்தி வந்தது. டிஜிபி சைலேந்திரபாபு பிறப்பித்துள்ள உத்தரவுகள் நம்பிக்கையளிக்கின்றன. மகிழ்ச்சியான பணிச்சூழலில் தமிழக காவல்துறை இந்தியாவிற்கே முன்னோடியாகத் திகழவேண்டும்.எனத் தெரிவித்துள்ளார்.
