விஜய் நடித்த பிகில் படத்தை தயாரித்து கொண்டிருந்தபோது அர்ச்சனா கல்பாத்தியிடம் விஜய் ரசிகர்கள் அவ்வப்போது அந்த படத்தின் அப்டேட்டை கேட்டு தொல்லை செய்தனர் என்பது தெரிந்ததே. ஒரு கட்டத்தில் எல்லை மீறி அர்ச்சனா கல்பாத்தியை அவர்கள் திட்டவும் செய்தனர். ஆனால் அவற்றை எல்லாம் பொறுமையாக கடைபிடித்து, படத்தின் அப்டேட்டை அவ்வப்போது வழங்கி ரசிகர்களை அவர் திருப்தி செய்யும் முன் போதும் போதும் என்றாகிவிட்டது
இந்த நிலையில் தற்போது ஒரு ரசிகையாக அவர் ’தளபதி 64’ படத்தின் அப்டேட்டை கேட்டு தனது டுவிட்டரில் ஒரு ட்வீட்டை பதிவு செய்துள்ளார். தளபதி 64 படத்தின் அப்டேட்டை கொடுங்கள், ஃபர்ஸ்ட் லுக் ரிலீஸ் பண்ணுங்க, ஏதாவது ஒரு அப்டேட் கொடுத்துக்கொண்டே இருங்கள் என்று அவர் தனது டுவிட்டரில் குறிப்பிட்டுள்ளார்
