மருத்துவமனையில் அனுமதிக்கப்பட்ட தேமுதிக கட்சியின் நிறுவனர் விஜயகாந்த் உடல்நிலை சீராக இல்லை என்று சில தினங்களுக்கு முன்னர் மருத்துவமனை அறிக்கை வெளியிட்டது. அதையடுத்து தொண்டர்கள் பதற்றமான நிலையில் விஜயகாந்த் உடல் நலத்துடன் இருக்கிறார் என்றும் தொண்டர்கள் யாரும் பயப்பட வேண்டாம் என்றும் விஜயகாந்த் மனைவி பிரேமலதா வீடியோ ஒன்றை வெளியிட்டு இருந்தார்.
இந்நிலையில் இப்போது நடிகர் சூர்யா தன்னுடைய எக்ஸ் தளத்தில் “அண்ணன் விஜயகாந்த் அவர்கள் நலம் பெறப் பிரார்த்திக்கும் கோடான கோடி இதயங்களில் நானும் ஒருவனாகப் பங்கேற்கிறேன். கோடானகோடி மனிதர்களின் வேண்டுதல்கள் நிச்சயம் பலிக்கும்.! அவரை பூரண குணமாக்கி, நலம் பெற வைக்கும்.!!” என பதிவிட்டுள்ளார்.
