ஒரு பக்கம் கொரோனா வைரஸ், இன்னொரு பக்கம் கொரனோவால் ஏற்பட்ட பொருளாதார வீழ்ச்சி என நாடு தத்தளித்துக் கொண்டிருக்கும் நிலையில் சில மார்க்கெட் இல்லாத திரை நட்சத்திரங்கள் திடீரென ’ஐஎம் எ தமிழ் பேசும் இந்தியன்’ மற்றும் ’ஹிந்தி தெரியாது போடா’ என்ற டீ ஷர்ட்டை அணிந்து சமூக வலைதளங்களில் பரபரப்பை ஏற்படுத்தினார்கள்
யுவன் சங்கர் ராஜா மற்றும் ஷிரிஷ் ஆகிய இருவர் சமூக வலைதளங்களில் பற்ற வைத்த இந்த நெருப்பு இரண்டு நாட்களாக பற்றிக்கொண்டு பரபரப்பை ஏற்படுத்தியது. இந்த நிலையில் இயக்குனர் வெற்றிமாறன் தற்போது திடீரென தனது மகனுடன் ’ஐ அம் இன் தமிழ் பேசும் இந்தியன்’ என்ற டீசர்ட் அணிந்து புகைப்படத்திற்கு போஸ் கொடுத்துள்ளார். இந்த புகைப்படம் தற்போது சமூக வலைதளங்களில் வைரல் ஆகி வருகிறது என்பதும் இதனை மீண்டும் நெட்டிசன்கள் வைரலாக்கி வருகின்றனர் என்பதும் குறிப்பிடத்தக்கது
