அஜித் நடிப்பில் ஆதிக் ரவிச்சந்திரன் இயக்கத்தில் சமீபத்தில் வெளியான 'குட் பேட் அக்லி’ திரைப்படம், பெரும் வரவேற்பை பெற்றதுடன், தயாரிப்பாளர்கள் மற்றும் விநியோகஸ்தர்களுக்கு நல்ல லாபத்தையும் ஈட்டியது. இந்த வெற்றியை தொடர்ந்து, அஜித்தின் அடுத்த படத்தையும் ஆதிக் ரவிச்சந்திரன் இயக்கவிருக்கிறார். இந்த படத்தை வேல்ஸ் பிலிம்ஸ் இன்டர்நேஷனல் நிறுவனத்தின் ஐசரி கணேஷ் தயாரிக்கவிருப்பதாக கூறப்படுகிறது.
இந்த படத்தில் நடிக்க அஜித்துக்கு 180 கோடி ரூபாய் சம்பளமும், ஆதிக் ரவிச்சந்திரனுக்கு 12 கோடி ரூபாய் சம்பளமும் பேசப்பட்டுள்ளதாக தகவல்கள் தெரிவிக்கின்றன. படத்தின் மொத்த பட்ஜெட் சுமார் 270 முதல் 300 கோடி ரூபாய் வரை இருக்கும் என்று எதிர்பார்க்கப்படுகிறது. இந்த படத்தில் நாயகியாக நடிக்க முன்னணி நடிகை ஒருவரிடம் பேச்சுவார்த்தை நடைபெற்று வருவதாகவும், அவருக்கு ஐந்து முதல் ஏழு கோடி ரூபாய் வரை சம்பளம் பேசப்பட்டு வருவதாகவும் கூறப்படுகிறது.
இப்படத்தின் படப்பிடிப்பு வருகிற நவம்பர் மாதம் தொடங்கும் என்றும், அடுத்த ஆண்டு கோடை விடுமுறையில் படத்தை வெளியிட படக்குழு திட்டமிட்டு இருப்பதாகவும் தெரிகிறது. இந்த பிரமாண்டப் படம், அஜித் ரசிகர்களிடையே பெரும் எதிர்பார்ப்பை ஏற்படுத்தியுள்ளது.
