தமிழ் சினிமாவில் 90 களின் இயக்குனர் கதிர் இயக்கத்தில் நடிகர் குணால் நடிப்பில் வெளியான படம் காதலர் தினம். இப்படத்தில் அவருக்கு ஜோடியாக நடிகை சோனாலி பிந்த்ரே நடித்திருந்தார். இப்படத்திற்கு ஏ.ஆர்.ரஹ்மான் இசை அமைத்திருந்தார். இப்படமும், இப்படத்தில் இடம்பெற்ற அனைத்து பாடல்களும் சூப்பர் ஹிட் ஆனது.
இந்த நிலையில்,கடந்த 2018 ஆம் ஆண்டு பாலிவுட் ஹீரோயின் சோனாலி பிந்த்ரே புற்று நோயால் பாதிக்கப்பட்டிருந்தார். அப்போது, அவர் அமெரிக்காவில் உள்ள பிரபல மருத்துவமனையில் சிகிச்சை பெற்று 4 ஆண்டுகளுக்குப் பிறகு குணம் அடைந்தார். சமீபத்தில் அந்த மருத்துவமனைக்கு சென்ற அவர், அங்கு சிகிச்சை பெற்று வரும் நோயாளிகளுக்கு ஓர் உருக்கமான கடிதத்தை எழுதியுள்ளார். அதில், நான், 4 ஆண்டுகளுக்கு முன் இங்கு சிகிச்சை பெற்று வந்தேன். அதுகுறித்த பயம் எனக்குள் இருக்கிறாத். ஆனால், முழு நம்பிக்கையுடன் இருந்த்தால் குணம் அடைந்தேன். நல்லதே நடக்கும் எனத் தெரிவித்துள்ளார். ரசிகர்கள் இக்கடிதத்தை வைரலாக்கி வருகின்றனர்.
