சூர்யா நடிப்பில், சுதா கொங்கரா இயக்கத்தில் ஜி வி பிரகாஷ் இசையில் உருவான சூரரைப்போற்று திரைப்படம் தமிழில் மிகப்பெரிய வெற்றி பெற்றது என்பது தெரிந்ததே. இந்த நிலையில் இந்த படத்தின் இந்தி ரீமேக் படப்பிடிப்பு சில மாதங்களுக்கு முன்னர் தொடங்கியது.சூர்யா கேரக்டரில் அக்சயகுமார் நடிக்க அபர்ணா பாலமுரளி கேரக்டரில் ராதிகா மதன் நடித்துள்ளார்.
அக்ஷய் குமாரின் 150 ஆவது படமாக உருவான இந்த படம் முதல் நாளிலேயே பாக்ஸ் ஆபிஸில் பின்தங்கியது. இந்த படம் முதல்நாளில் இந்தியா முழுவதும் 4 கோடி ரூபாய் மட்டுமே வசூலித்ததாம். பல இடங்களில் காட்சிகள் ரத்து செய்யப்படும் அளவுக்கு மோசமான தொடக்க நாளைப் பெற்றுள்ளதாக வட இந்திய ஊடகங்கள் செய்திகள் வெளியிட்டு வருகின்றன. இரண்டாம் நாளில் 21 சதவீத இருக்கைகள் மட்டுமே ரிலீஸான தியேட்டர்களில் நிரம்பியதாக சொல்லப்படுகிறது.
