சூரியின் அடுத்த படத்திலும் வெற்றிமாறன் பங்களிப்பு… இயக்குனர் இவரா?

தமிழ் சினிமாவில் முன்னணி நகைச்சுவைக் கலைஞராக இருந்த சூரி வெற்றிமாறன் இயக்கிய விடுதலை படத்தின் மூலம் ஹீரோவானார். அந்த படம் ஹிட்டானதைத் தொடர்ந்து அவர் நடித்த கருடன் மற்றும் கொட்டுக்காளி ஆகிய திரைப்படங்களும் வெற்றிபெற்று அவரை முன்னணிக் கதாநாயகன் ஆக்கின.

இதற்கிடையில்ல் டிசம்பர் 20 ஆம் தேதி விடுதலை இரண்டாம் பாகமும் ரிலீஸாகவுள்ளது. அதன் பிறகு சூரி பிரசாந்த் பாண்டிராஜ் இயக்கும் படத்தில் கதாநாயகன் ஆக நடிக்கவுள்ளார். அதன் பிறகு சூரி விடுதலை படத்தின் தயாரிப்பாளர் எல்ரெட் குமாருக்காக மீண்டும் ஒரு படம் நடிக்கவுள்ளார்.

இந்த படத்தை வெற்றிமாறனின் இணை இயக்குனரான மதிமாறன் இயக்கவுள்ளார். படத்துக்கான கதையை இயக்குனர் வெற்றிமாறனே எழுதியுள்ளாராம். விரைவில் இந்த படம் குறித்த அதிகாரப்பூர்வ அறிவிப்பு வெளியாகலாம் என சொல்லப்படுகிறது.