காமெடி ஹீரோவாக யோகி பாபு நடிக்கும் படம் தர்மபிரபு. இந்த படத்தில் எமதர்ம ராஜாவாக யோகி பாபு நடிக்கிறார். முழுக்க முழுக்க காமெடி படமாக இது உருவாகி வருகிறது. இந்த படத்துக்காக ரூ.2 கோடி செலவில், பிரமாண்ட எமலோகம் செட் அமைக்கப்பட்டு சென்னையில் படப்பிடிப்பு நடந்தது.
இந்த நிலையில், தற்போது கிடைத்துள்ள செய்தி என்னவென்றால் , இந்த படத்தின் மூலும் நடிகை மேக்னா நாயுடு தமிழில் ரீ-என்ட்ரி கொடுக்க இருக்கிறார். இவர் சிம்பு நடிப்பில் வெளியான சரவணா படத்தில் இரண்டாவது கதாநாயகியாக நடித்தார் என்பது குறிப்பிடத்தக்கது. மேலும் இவரது நடிப்பில் ஜாம்பவான், வீராசாமி, வைத்தீஸ்வரன், பந்தையம் உள்ளிட்ட படங்களும் வெளிவந்தது என்பது குறிப்பிடத்தக்கது.
