நான் பயோபிக் எடுத்தால் அது அவருடைய கதையாகதான் இருக்கும்… இயக்குனர் ஷங்கர் பதில்!

ஆர் ஆர் ஆர் படத்துக்குப் பிறகு இந்திய சினிமாவின் பிரபலமான நடிகர்களில் ஒருவராக உருவாகியுள்ளார் ராம்சரண். கேம்சேஞ்சர் படத்தை ஷங்கர் இயக்க தயாரிப்பாளர் தில் ராஜூ தயாரிக்கிறார். இந்த படத்துக்கு இயக்குனர் கார்த்திக் சுப்பராஜ் கதை எழுதியுள்ளார். படத்தில் வில்லனாக எஸ் ஜே சூர்யா நடிக்கிறார். தமன் முதல் முதலாக ஷங்கர் படத்துக்கு இசையமைக்கிறார். திரு ஒளிப்பதிவு செய்துள்ளார்.

இந்த படம் கிட்டத்தட்ட 2 ஆண்டுகளாக உருவாகி வந்த இன்று உலகம் முழுவதும் அதிக அளவிலான திரைகளில் ரிலீஸாகிறது. படத்தின் டிரைலர் சில தினங்களுக்கு முன்னர் ரிலீஸாகி கவனம் பெற்றுள்ளது. ஷங்கரின் அதே டெம்ப்ளேட் வகை கதையாகதான் இந்த படமும் இருக்கப் போகிறது என்ற பிம்பத்தைக் கொடுத்துள்ளது. ஆர் ஆர் ஆர் படத்துக்குப் பிறகு ராம்சரண் நடிக்கும் படம் என்பதால் பெரிய அளவில் எதிர்பார்ப்பு நிலவுகிறது.

இந்நிலையில் இயக்குனர் ஷங்கர் அளித்த ஒரு நேர்காணலில் அவரிடம் நீங்கள் யாருடைய பயோபிக் படத்தை எடுக்க ஆசைப்படுகிறீர்கள் எனக் கேட்டபோது “நான் பயோபிக் எடுத்தால் அது ரஜினி சாரின் கதையாகதான் இருக்கும். அவர் மிகச்சிறந்த மனிதர்” எனக் கூறியுள்ளார்.