கன்னடத்தில் இருந்து தமிழ் மொழிக்கு வந்த மோகன் மெல்லிய காதல் படங்களில் நடித்து பல வெற்றிப்படங்களைக் கொடுத்தவர். 80 களில் அவர் நடித்த பல படங்கள் 175 நாட்களைக் கடந்து ஓடி சாதனைப் படைத்ததால் சில்வர் ஜூப்ளி ஸ்டார் என்ற அடைமொழியோடு வலம் வந்தார். ஆனால் 90 களுக்கு பிறகு அவர் பார்முலா படங்களுக்கு வரவேற்பு இல்லாமல் போனது. அதனால் அவர் சினிமாவில் இருந்து ஒதுங்கி இருந்து வருகிறார்.
இது சம்மந்தமாக அவர் அளித்த ஒரு நேர்காணலில் தன்னைப் பற்றி பரவிய ஒரு வதந்தி பற்றி பேசியுள்ளார். அதில் “நான் சினிமாவில் சில ஆண்டுகள் நடிக்காமல் இருந்தேன். அப்போது நான் எய்ட்ஸ் நோயால் இறந்துவிட்டதாக வதந்தியை சிலர் கிளப்பி விட்டனர். அதை நம்பி என்னுடைய ரசிகர்கள் என் வீட்டுக்கே வந்துவிட்டனர். ஆனால் நான் அந்த வதந்திக்கு எந்த பதிலும் கொடுக்கவில்லை. ஏனென்றால் ஒரு முட்டாள்தனமான வதந்திக்கு நான் ஏன் பதிலளிக்க வேண்டும்.” எனக் கூறியுள்ளார்.
