ராஜமௌலி இயக்கத்தில் ராம்சரண், ஜூனியர் என்.டி.ஆர், ஆல்யா பட், அஜய் தேவ்கன் உள்ளிட்டோர் நடித்து வெளியான படம் ஆர்.ஆர்.ஆர். உலகம் முழுவதும் பெரும் ஹிட் அடித்த இந்த படம் மொத்தமாக 1000 கோடிக்கும் மேல் வசூல் செய்து பெரும் வசூல் சாதனையையும் படைத்தது.
ஆர்.ஆர்.ஆர் படத்தை பார்த்த பல ஹாலிவுட் பிரபலங்களும், திரைப்பட விமர்சகர்களும் கூட ஆர்.ஆர்.ஆர் படத்தை மிகவும் புகழ்ந்துள்ளனர். ஆஸ்கர் விருது போட்டியில் அதிகம் பேசப்படும் படங்களில் ஒன்றாக ஆர்.ஆர்.ஆர் உள்ளது.
இந்நிலையில் ஆர்.ஆர்.ஆர் படத்திற்கு புதிய விருது கிடைத்துள்ளது ஹாலிவுட் க்ரிட்டிக்ஸ் அசோசியேஷன் என்ற அமைப்பு அதிகம் கவனம் பெற்ற படம் என்பதற்கான ஸ்பாட்லைட் அவார்டை ஆர்.ஆர்.ஆர் படத்திற்கு வழங்கியுள்ளது. இது ரசிகர்களை மகிழ்ச்சியில் ஆழ்த்தியுள்ளது. எப்படியும் ஒரு ஆஸ்கராவது வாங்காமல் ராஜமௌலி வரமாட்டார் என பேசிக் கொள்ளப்படுகிறது.
