ராஜமௌலி இயக்கத்தில் ராம்சரண், ஜூனியர் என்.டி.ஆர், ஆல்யா பட், அஜய் தேவ்கன் உள்ளிட்டோர் நடித்து வெளியான படம் ஆர்.ஆர்.ஆர். உலகம் முழுவதும் பெரும் ஹிட் அடித்த இந்த படம் மொத்தமாக 1000 கோடிக்கும் மேல் வசூல் செய்து பெரும் வசூல் சாதனையையும் படைத்தது.
இந்நிலையில் ஜனவரியில் நடைபெற உள்ள கோல்டன் க்ளோப் விருதுகள் விழாவிலும் ஆர்.ஆர்.ஆர் படம் இரண்டு பிரிவுகளில் தேர்வாகியுள்ளது. ஆங்கிலம் அல்லாத சிறந்த திரைப்படம் என்ற பிரிவிலும், ’நாட்டு நாட்டு’ பாடல் சிறந்த பாடலுக்கான பிரிவிலும் நாமினேட் ஆகியுள்ளது. பெரும்பாலும் கோல்டன் க்ளோப் விருதுகளில் விருது பெரும் படங்கள் ஆஸ்கரிலும் விருது வெல்வதால் ஆர்.ஆர்.ஆர் மீதான எதிர்பார்ப்பு அதிகரித்துள்ளது.
