நாடாளுமன்ற தேர்தல் நெருங்க இன்னும் சில மாதங்களே உள்ளநிலையில் அரசியல் கட்சிகளின் கூட்டணி விவகாரங்கள் தமிழக அரசியலில் பெரும் பரபரப்பாக பேசப்பட்டு வருகிறது. மற்றொரு பக்கம் தங்கள் கட்சியின் பிரச்சாரத்திற்கு பயன்படுத்துவதற்காக பிரபல நடிகர், நடிகைகளை தங்கள் பக்கம் இழுக்கும் முயற்சியும் நடந்து கொண்டிருக்கிறது.
அந்தவகையில் நடிகை ஓவியாவையும் அரசியலுக்கு அழைத்துள்ளது பிரபல அரசியல் கட்சி. அதைப்பற்றி ஓவியா பேட்டி ஒன்றி கூறியதாவது, 90ML படத்தில் ட்ரைலரை பார்த்துவிட்டு என்மீது பல விமர்சனங்கள் எழுந்தது ஆனால் அதைபற்றியெல்லாம் எனக்கு கவலை இல்லை. என்னை பிரபல கட்சியை சேர்ந்த அரசியல்வாதிகள் அரசியலில் சேர்வீர்களா என்கிறார்கள்.
அதுமட்டுமின்றி சிலர் என்னை நேரில் சந்தித்து தங்கள் கட்சியில் சேர அழைப்பும் விடுத்தார்கள். நான் மறுத்துவிட்டேன். என்னை கட்சியில் சேர அழைத்தது யார் என்பதை நான் சொல்லவிரும்பவில்லை. மேலும் கோடி ரூபாய் கொடுத்தால் பிரசாரத்துக்கு செல்வீர்களா என்று கேட்டால் நிச்சயம் மாட்டேன் என்றார் ஓவியா. ஆக ஓவியவிடம் யாரோ 1 கோடி பேரம் பேசி அரசியலுக்கு அழைத்துள்ளனர் என்பது மட்டும் தெரிகிறது.
