மற்ற இயக்குனர்களை போல் அல்லாமல், வணிக ரீதியாக நல்ல விமர்சனத்தை தரும் படத்தின் கதையை விரும்பும் குணம் கொண்டவர் பாலா. ஒரு படத்தை பல வருடம் இயக்கும் பாலா, வழக்கத்திற்கு மாறாக நாச்சியார் படத்தை குறுகிய கால படமாக எடுத்து வெளியிட்டுள்ளார்.
நேர்மையான, முரட்டுத்தனமான காவல்துறை அதிகாரி ஜோதிகா. இவரது காவல் நிலையத்திற்கு கற்பழிப்பு புகார் ஒன்று வருகிறது. இந்த கற்பழிப்புக்கு காரணம் ஜி.வி.பிரகாஷ் என நினைத்து அவரை கைது செய்து சிறுவர் காப்பகத்தில் சேர்க்கிறார்.
கற்பழிக்கப்பட்ட பெண்ணை தனது வீட்டில் வைத்து பாதுகாக்கிறார். மேலும், இந்த வழக்கு குறித்து ஜி.வி.பிரகாஷிடம் விசாரணையில் ஈடுபடும் போது குற்றவாளி அவர் இல்லை என்பதும் இருவரும் காதலர்கள் என்பதும் தெரியவருகிறது. இதனிடையில் கற்பழிக்கப்பட்ட பெண்ணுக்கு குழந்தையும் பிறக்க, டிஎன்ஏ சோதனையும் ஜி.வி.பிரகாஷ் குற்றவாளி இல்லை என்பதை உறுதி செய்திறது.
