மிர்ச்சி சிவா நடித்த தமிழ் படம் மற்றும் தமிழ் படம் 2 ஆகிய இரண்டு படங்களும் நல்ல வரவேற்பு பெற்ற நிலையில், தற்போது தமிழ் படம் 3 குறித்த அப்டேட்டை அவர் கொடுத்துள்ள நிலையில் ரசிகர்கள் மகிழ்ச்சி அடைந்துள்ளனர்.
கடந்த 2010 ஆம் ஆண்டு தமிழ் படம் என்ற படம் வெளியாகி மிகப்பெரிய வரவேற்பு பெற்றது. இந்த படத்தின் வெற்றியை தொடர்ந்து, 2018 ஆம் ஆண்டு தமிழ் படம் 2 வெளியானது. தமிழ் திரை உலகில் உள்ள திரைப்படங்களை கேலி கிண்டல் செய்யும் வகையில் காட்சிகள் அமைக்கப்பட்டது.
தமிழ் படம் 3 படத்தை ஒய் நாட் நிறுவனம் தயாரிக்க இருப்பதாகவும், கிட்டத்தட்ட இரண்டு மணி நேரத்துக்கு மேலாக பேசி அதை எடுக்க முடிவு செய்ததாகவும் அவர் கூறினார். மேலும், "ஒரு கதை எழுதி படம் பண்ணுவது சகஜம், ஆனால் நூறு படங்களை பார்த்து கதை எழுதுவது சவாலான விஷயம்" என்றும் அவர் தெரிவித்தார்.
