தமிழில் இருக்கும் திறமையான குணச்சித்திர நடிகர்களில் மாரிமுத்துவும் ஒருவர். பரியேறும் பெருமாள் படத்தில் நடிகை கயல் ஆனந்தியின் தந்தையாக அவர் நடித்திருந்த கதாபாத்திரம் அனைவராலும் பாராட்டப்பட்டது. இது தவிர, கொம்பன், பரியேறும் பெருமாள், கடைக்குட்டி சிங்கம் மற்றும் நம்ம வீட்டுப்பிள்ளை ஆகிய படங்களிலும் நடித்துள்ளார்.
இந்நிலையில் சீரியலில் வெளுத்து வாங்கும அவரை நடிகை ராதிகா தன்னுடைய தயாரிப்பில் உருவாகும் கிழக்கு வாசல் சீரியலில் முக்கிய வேடத்தில் நடிக்க அழைத்தும் தேதிகள் இல்லாததால் அவரால் நடிக்க முடியவில்லையாம். இதை மாரிமுத்து ஒரு நேர்காணலில் தெரிவித்துள்ளார். இப்போது அந்த கதாபாத்திரத்தில்தான் விஜய்யின் தந்தை எஸ் ஏ சந்திரசேகரன் நடிக்கிறார் என்பது குறிப்பிடத்தக்கது.
