இந்தி எதிர்ப்பு போராட்டத்தை மையமாக கொண்டு உருவாக்கப்பட்டுள்ள இந்த படத்தின் கதையின் நாயகியாக கீர்த்தி சுரேஷ் நடித்துள்ளார். அவருடன் எம்.எஸ். பாஸ்கார், ஜெயக்குமார், ராஜூ ரவீந்திரன் உள்பட பலர் நடித்துள்ள நிலையில் இந்த படத்தை சுமன் குமார் என்பவர் இயக்கி உள்ளார்.
இந்தியை திணித்தே தீருவோம் என்றால் இந்தி தெரியாது என்று சொல்லுவோம் என்ற வசனம் இந்த படத்தில் இடம் பெற்றுள்ளதாக கூறப்படுகிறது. காமெடி, ரொமான்ஸ், சென்டிமென்ட், இந்தி எதிர்ப்பு என அனைத்தும் கலந்த ஒரு கலவையாக இந்த படம் உருவாக்கப்பட்டுள்ளது என்பது இந்த ட்ரெய்லரிலிருந்து தெரிய வருகிறது. இந்த படம் கீர்த்தி சுரேஷுக்கு ஒரு வெற்றி படமாக அமையும் என எதிர்பார்க்கப்படுகிறது.
