’கலகலப்பு 3’ படத்தில் கவின் நடிக்கிறாரா? சுந்தர் சி விளக்கம்..!

சுந்தர் சி இயக்கத்தில் உருவாகும் கலகலப்பு திரைப்படத்தின் மூன்றாம் பாகத்தில் கவின் நாயகனாக நடிக்க இருப்பதாக செய்திகள் கசிந்து வரும் நிலையில் இந்த செய்தியை சுந்தர் சி தரப்பு மறுத்துள்ளது.

சுந்தர் சி இயக்கத்தில் உருவான கலகலப்பு மற்றும் கலகலப்பு 2 ஆகிய இரண்டு திரைப்படங்களும் நல்ல வெற்றி பெற்ற நிலையில் விரைவில் கலகலப்பு 3 உருவாக இருப்பதாக கூறப்படுகிறது.

இந்த படத்திற்கான கதையை சுந்தர் சி எழுதி முடித்து விட்டதாகவும் விரைவில் இந்த படத்திற்கான அறிவிப்பு வரும் என்றும் கூறப்படுகிறது. இந்த நிலையில் கலகலப்பு 3 திரைப்படத்தில் கவின் நடிக்க இருப்பதாக செய்திகள் வெளியான நிலையில் இது குறித்து சுந்தர் சி தரப்பு விளக்கம் அளித்துள்ளது.

கலகலப்பு 3 படத்திற்கான நட்சத்திரங்கள் தேர்வு இன்னும் ஆரம்பமாகவில்லை என்றும் இந்த படத்தில் கவின் நடிப்பதாக  ஊடகங்களில் வெளியாகி கொண்டிருக்கும் செய்தி அடிப்படை ஆதாரமற்றது என்றும் கவினிடம் நான் எந்த பேச்சு வார்த்தையில் நடத்தவில்லை என்றும் அவர் தெரிவித்துள்ளார்.

இதனை அடுத்து கலகலப்பு 3 படத்தில் கவின் நடிப்பதாக வெளியான தகவல் வதந்தி என்பது உறுதி செய்யப்பட்டுள்ளது.

Edited by Siva