கார்த்தி நடிப்பில் அவரது 25 ஆவது படமாக உருவாகி வருகிறது ஜப்பான் திரைப்படம். இந்த படத்தை இயக்குனர் ராஜுமுருகன் இயக்க, ஜிவி பிரகாஷ் இசையமைக்க எஸ்ஆர் பிரபு தயாரித்து வருகிறார். இந்த படத்துக்கு ஜப்பான் என்று பெயர் வைக்கப்பட்டுள்ளது. படத்தில் அனு இம்மானுவேல் கதாநாயகியாக நடிக்கிறார்.
அனைத்துக் காட்சிகளும் படமாக்கப்பட்டு விட்ட நிலையில் இப்போது ஒரு பாடல் காட்சியை படமாக்கி வருகின்றனர் ஜப்பான் படக்குழுவினர். இந்த பாடல் காட்சியோடு மொத்த ஷூட்டிங்கும் நிறைவடைய உள்ளது என்பது குறிப்பிடத்தக்கது. படத்தின் இசை வெளியீடு அக்டோபர் 28 ஆம் தேதி சென்னை நேரு உள்விளையாட்டு அரங்கத்தில் நடக்க உள்ளது என்பது குறிப்பிடத்தக்கது.
