காஜல் அகர்வால், யோகி பாபு, தேவதர்ஷினி, கேஎஸ் ரவிக்குமார் உள்பட பலர் நடிப்பில் உருவாகி வரும் திரைப்படம் ’கோஸ்டி’. ஹாரர் காமெடி படமான இந்த படத்தின் படப்பிடிப்பு கடந்த சில நாட்களாக நடைபெற்று வந்தது. இந்த படத்தை கல்யாண் என்பவர் இயக்கியுள்ளார். இவர் ஏற்கனவே பிரபுதேவா ஹன்சிகா நடித்த குலேபகாவலி என்ற திரைப்படத்தை இயக்கியுள்ளார் என்பது குறிப்பிடத்தக்கது
இந்த படத்தின் படப்பிடிப்பு நிறைவு கட்டத்தில் இருக்கும் நிலையில் தற்போது இந்த படத்தின் புதிய போஸ்டர் ஒன்றை படக்குழுவினர் வெளியிட்டுள்ளனர். இந்த போஸ்டர் தற்போது வைரலாகி வருகிறது என்பது குறிப்பிடத்தக்கது. இந்த படத்தில் காஜல் அகர்வாலுக்கு ஜோடி யாரும் இல்லை என்றும் அவர் கதையின் முக்கிய கதாபாத்திரத்தில் நடிக்கிறார் என்றும் படக்குழுவினர் தெரிவித்துள்ளனர்
