இந்நிலையில் தற்போது கைதி படத்தை இந்தியில் ரீமேக் செய்யும் பணிகள் தொடங்கியுள்ளன. அஜய் தேவ்கான் மற்றும் தபு ஆகியோர் முக்கிய வேடத்தில் நடிக்கின்றனர். தமிழில் நரேன் நடித்த வேடத்தில் இந்தியில் பெண் போலீஸ் கதாபாத்திரமாக மாற்றி தபு அதில் நடிக்க உள்ளதாக தெரிகிறது. இந்த படத்துக்கு “BHOLAA” என்று தலைப்பு அறிவிக்கப்பட்டுள்ளது. அடுத்த ஆண்டு மார்ச் மாதத்தில் இந்த படம் வெளியாகும் எனவும் அறிவிக்கப்பட்டுள்ளது. இந்த படத்தை தர்மேந்திர சர்மா இயக்குகிறார். தமிழில் தயாரித்த டிரீம் வாரியர்ஸ் பிக்சர்ஸ் நிறுவனமே இந்த படத்துக்கும் தயாரிப்பாளர்களில் ஒருவராக களமிறங்குகிறது.
