ஆஸ்கர் விருதுகளுக்கான முதல் 5 பிரிவுகளுக்கான பரிந்துரை பட்டியல் வெளியான நிலையில் அதில் சிறந்த பாடலுக்கான பிரிவில் ஆர்.ஆர்.ஆர் படத்தின் “நாட்டு கூத்து” பாடல் தேர்வாகியுள்ளது. அடுத்து சிறந்த நடிகர், நடிகைக்கான பரிந்துரை பட்டியல் வெளியாகும் என எதிர்பார்க்கப்படுகிறது.
இந்த பரிந்துரையில் இடம்பெறும் டாப் 10 நடிகர்கள் யாராக இருப்பார்கள் என ஹாலிவுட் பத்திரிக்கையான ’வெரைட்டி’ ஒரு பட்டியலை வெளியிட்டுள்ளது. அதில் ‘தி சன்’ படத்திற்காக ஹூக் ஜாக்மன், ‘எமான்சிபேஷன்’ படத்திற்காக வில் ஸ்மித், ‘ஆர்.ஆர்.ஆர்’ படத்திற்காக என்.டி.ராமாராவ் ஜூனியர் உள்ளிட்டவர்கள் பரிந்துரைக்கப்படலாம் என தனது கணிப்பை வெளிப்படுத்தியுள்ளது.
