அஜித் ஹெச் வினோத் இயக்கத்தில் நேர்கொண்ட பார்வை, வலிமை ஆகிய படங்களை இயக்கி முடித்துள்ளார். இந்த படத்தை அடுத்து இருவரும் மீண்டும் மூன்றாவது முறையாக இணைகின்றனர். இந்த படத்தையும் போனி கபூரே தயாரிக்கிறார். வலிமை ரிலீஸுக்கு பின் இதற்கான வேலைகள் தொடங்கும் என எதிர்பார்க்கப்படுகிறது. இந்நிலையில் இப்போது இந்த படத்தின் ஷூட்டிங் எப்போது தொடங்கும் என்று தகவல் வெளியாகியுள்ளது.
இந்நிலையில் இந்த படத்தில் அஜித்துடன் மலையாள சினிமாவின் சூப்பர் ஸ்டார் நடிகரான மோகன் லால் நடிக்க உள்ளதாக சில தினங்களாக செய்திகள் வெளியான வண்ணம் உள்ளன. ஆனால் மோகன்லால் அந்த படத்தில் நடிக்கவில்லை என்பதே உண்மையான செய்தியாம். ஏனென்றால் மோகன்லால் தான் இயக்கும் படத்தில் பிஸியாக உள்ளதால் அஜித் 61 பட வாய்ப்பை ஏற்க முடியவில்லை என்று சொல்லப்படுகிறது.
