அஜித்61 படத்திற்காக மீண்டும் ஐதராபாத் சென்றுள்ள அஜித்குமார், அங்கு ரசிகர்களுடன் புகைப்படம் எடுத்துக் கொண்டார். தற்போது அஜித்61 படத்திற்கு ஷூட்டிங்கில் முழு கவனம் செலுத்தி வருகிறார் அஜித்குமார்,
இந்த நிலையில், அஜித் நடிக்கும் படங்களில் வீரம், விவேகம், வேதாளம், வலிமை ஆகிய படங்களைத் தொடர்ந்து அஜித் 61 படத்திற்கு வல்லமை என்று பெயரிட்டுள்ளதாகவும், தயாரிப்பாளர் போனிகபூரின் மனைவி ஸ்ரீதேவியின் பிறந்த நாளை முன்னிட்டு,ம் நாளை இப்படத்தின் ஃபர்ஸ்ட்லுக் போஸ்டர் ரிலீஸ் செய்ய படக்குழு திட்டமிட்டுள்ளதாக நேற்று சமூக வலைதளங்களில் தகவல் வெளியானது.
அதனால், அஜித் ரசிகர்கள் மிகவும் எதிர்பார்ப்புடன் காத்திருந்தனர். இந்த நிலையில், இன்று அஜித்61 படத்தின் போஸ்டர் எதுவும் வெளியாக வாய்ப்பில்லை என தகவல் வெளியாகிறது. மேலும், ஸ்ரீதேவியின் பிறந்த நாளுக்கு அஜித்61 பட அப்டேட் மற்றும் போஸ்டர் வெளியிட எந்த திட்டமிடலும் இல்லை எனப் படக்குழு கூறியுள்ளதாகத் தக்வல் வெளியாகிறது.
