ஜி வி பிரகாஷின் இடிமுழக்கம் படத்தின் ரிலீஸ் எப்போது?... வெளியான தகவல்!

தமிழ் சினிமாவில் மென்மையானக் கதைக்களங்களைத் தொடர்ந்து படமாக்கி வருபவர் சீனு ராமசாமி. அவர் இயக்கிய தர்மதுரை திரைப்படம் மிகப்பெரிய வெற்றியைப் பெற்றாலும் மற்ற படங்கள் வணிக ரீதியாக பெரிய வெற்றியைப் பெறவில்லை. இந்நிலையில் ஜி வி பிரகாஷ் நடிப்பில் இயக்குனர் சீனு ராமசாமி   ‘இடிமுழக்கம்’ என்ற திரைப்படத்தை இயக்கி முடித்துள்ளார்.

இந்த படம்  முடிந்து இரண்டு ஆண்டுகளுக்கு மேலாகியும் இன்னும் ரிலீஸாகவில்லை.  சமீபத்தில் ‘இடி முழக்கம்’ திரைப்படம் சென்சார் செய்யப்பட்டுள்ளது. இந்த படத்துக்கு UA சான்றிதழ் வழங்கப்பட்டுள்ளது. படம் பற்றி பதிவிட்டுள்ள சீனு ராமசாமி இதுவரை தான் பயணிக்காத த்ரில்லர் மற்றும் ஆக்‌ஷன் கதைக்களத்தில் இறங்கியுள்ளதாகக் கூறியுள்ளார்.

இந்நிலையில் படத்தை மே மாதத்தில் ரிலீஸ் செய்ய படக்குழு முடிவு செய்து அதற்கான வேலைகளை மேற்கொண்டு வருவதாக சொல்லப்படுகிறது. சமீபகாலமாக ஜி வி பிரகாஷ் நடித்த படங்கள் எதுவும் வெற்றி பெறாத நிலையில் இந்த படமாவது அவருக்கு வெற்றியைக் கொடுக்குமா என்ற எதிர்பார்ப்பு எழுந்துள்ளது.