சூர்யா நடிப்பில் பிரம்மாண்டமாக உருவாகி வருகிறது கங்குவா திரைப்படம். சூர்யாவின் 42 ஆவது படமான கங்குவா திரைப்படத்தை சிறுத்தை சிவா மிக பிரம்மாண்டமாக இயக்கி வருகிரார். இந்த கதை நிகழ்காலம் மற்றும் சில நூற்றாண்டுகளுக்கு முந்தைய காலம் என இரு காலகட்டங்களில் நடக்கும் விதமாக உருவாக்கப்பட்டுள்ளது. இந்த படத்தின் ஷூட்டிங் நடந்து முடிந்துள்ள நிலையில் தற்போது போஸ்ட் புரொடக்ஷன் பணிகள் நடந்து வருகின்றன.
இந்நிலையில் படத்தின் நிர்வாகத் தயாரிப்பாளரான தனஞ்செயன் படம் பற்றி பேசும்போது “முதல் முறையாக இந்த படத்தை பல மொழிகளில் கொண்டு செல்கிறோம். தியேட்டரை விட ஓடிடியில் அதிக மொழிகளில் ரிலீஸ் ஆகும். கல்கி படத்தில் எப்படி பார்வையாளர்களைக் கவரும் மிரட்டலான விஷுவல் காட்சிகள் இடம்பெற்றனவோ, அப்படி கங்குவா படத்திலும் மிரட்டலான விஷுவல்கள் உள்ளன.” எனக் கூறியுள்ளார்.
