இயக்குனர் அட்லி, இன்று ஆசிரியர்கள் தினத்தை அடுத்து தனது தொழில் கற்று கொடுத்த ஆசிர்யர் இயக்குனர் ஷங்கரை பாராட்டும் வகையில் ஒரு டுவீட்டை இன்று பதிவு செய்துள்ளார். அந்த பதிவில் ஆசிரியர் தினம் என்பது வருடத்திற்கு ஒருநாள் மட்டும் தான் வரும். ஆனால் நீங்கள் கற்று கொடுத்த பாடம் எனக்கு தினம்தினம் ஞாபகம் வந்து என்னை பெரிய ஆளாக்கியுள்ளது. உங்களை குருவாக பெற்றதில் பெருமைப்படுகிறேன் என்று ஒரு ஆங்கில பதிவை தனது டுவிட்டரில் அட்லி பதிவு செய்துள்ளார்.
அட்லி இயக்கிய 'ராஜா ராணி', 'தெறி' மற்றும் 'மெர்சல்' திரைப்படங்கள் 'மெளனராகம், .'சத்ரியன்' மற்றும் 'அபூர்வ சகோதரர்கள் ஆகிய படங்களை காப்பியடித்து எடுத்ததாக விமர்சகர்கள் கூறி வரும் நிலையில் ஒரு டுவீட்டை கூட சொந்தமாக போட முடியாதா? என்று நெட்டிசன்கள் கேலி செய்து வருகின்றனர்.
