அருன் பிரபு புருஷோத்தமன் இயக்கத்தில் உருவான அருவிப் படம் 2017 ஆம் ஆண்டு இறுதியில் வெளியாகி மக்களிடையே ஏகோபித்த ஆதரவைப் பெற்றது. அதில் அருவிக் கதாபாத்திரத்தில் நடித்த அதிதி பாலன் ஒரேப் படத்தில் உச்சப் புகழை அடைந்தார். அதன் பின் பலப் படங்களில் இருந்து நடிக்க அழைப்பு வந்தும் வலுவானக் கதாபாத்திரம் அமையாததால் நடிக்க மறுத்து வந்தார்.
இதையடுத்து ஒன்றரை வருட இடைவெளிக்குப் பின்னர் இப்போது தனது அடுத்தப் படத்தில் நடிக்க சம்மதித்துள்ளார். சந்தோஷ் சிவன் இயக்கும் புதியப் படமான ஜேக் அண்ட் ஜில் படத்தில் காளிதாஸ் ஜெயராம் மற்றும் மஞ்சு வாரியரோடு இணைந்து நடிக்க இருக்கிறார். ஆனால் தமிழ் சினிமா ரசிகர்களுக்கு ஏமாற்றம் அளிக்கும் விஷயமாக இந்தப் படம் மலையாளத்தில் மட்டுமே உருவாகி வருகிறது.
