கவர்ச்சியின் உச்சகட்டத்தில் அமலாபால் போஸ் கொடுத்துள்ளார். கதாநாயகிக்கு அதிக முக்கியத்தும் உள்ள இந்த படத்தில் ஆக்ஷசன் காட்சிகளிலும் அமலாபால் நடித்துள்ளார். அதனால் கையெல்லாம் உடைந்தது தனி கதை. இதற்கு முன்பு வெளிவந்த படங்களில் இவ்வளவு கவர்ச்சியாக அமலா பால் நடித்ததில்லை. ஓரளவுக்குத்தான் கவர்ச்சி காட்டியிருந்தார்.
இயக்குனர் ரத்னகுமார் கூறும்போது, ‘‘இந்த படத்தில் நடிக்க அதிக உடல் பலமும் மன பலமும் வேண்டும். அதனை புரிந்துகொண்டு அமலாபால் நடித்துள்ளார். முந்தைய தலைமுறையை இலவசங்கள் நாசம் செய்ததுபோல், இன்றைய தலைமுறையை இலவச போன் தகவல்கள் சீரழித்து வருகின்றன. இதனை தோலுரிக்கும் கேளிக்கை படமாக ‘ஆடை’ தயாராகிறது. இந்த படத்தை வி ஸ்டுடியோஸ் விஜி சுப்பிரமணியம் தயாரிக்கிறார்’’ என்றார்.
