ஸ்பெயினில் தொடங்கிய அஜித்தின் ‘குட் பேட் அக்லி’ ஷூட்டிங்!

சமீபகாலமாக ஒவ்வொரு படத்துக்கும் இடையே இடைவெளி எடுத்துக்கொண்ட அஜித் தற்போது ஒரே நேரத்தில் விடாமுயற்சி மற்றும் குட் பேட் அக்லி ஆகிய திரைப்படங்களில் நடித்து வருகிறார்.  இதில் விடாமுயற்சி ஷூட்டிங் நிறைவடைந்துள்ள நிலையில் குட் பேட் அக்லி ஷுட்டிங் இரண்டு கட்டங்கள் நடந்து முடிந்துள்ளது.

ஆதிக் ரவிச்சந்திரன் இயக்கத்தில் உருவாகும் இந்த படத்துக்கு தேவி ஸ்ரீ பிரசாத் இசையமைக்கிறார். தெலுங்கு சினிமாவின் முன்னணி தயாரிப்பு நிறுவனமான மைத்ரி மூவி மேக்கர்ஸ் நிறுவனம் தயாரிக்கிறது. படத்தில் சுனில், அர்ஜுன் தாஸ், பிரசன்னா மற்றும் த்ரிஷா ஆகியோர் முக்கிய வேடங்களில் நடிக்கின்றனர்.

இந்நிலையில் நேற்று இந்த படத்தின் ஷூட்டிங் ஸ்பெயினில் தொடங்கியுள்ளதாக சொல்லப்படுகிறது. அங்கு கிட்டத்தட்ட 50 நாட்களுக்கு மேல் படப்பிடிப்பு ஒரே மூச்சாக நடத்தத் திட்டமிட்டுள்ளதாக சொல்லப்படுகிறது.