தமிழில் முகமூடி படத்திலேயே அறிமுகமாகி இருந்தாலும் பூஜா ஹெக்டேவை முன்னணி நடிகையாக்கியது தெலுங்கு சினிமாதான். அங்கு அடுத்தடுத்து முன்னணி நடிகர்களோடு வெற்றிப் படங்களைக் கொடுத்தார் பூஜா. தமிழில் ஒரு பெரிய பிரேக்குக்காக பல ஆண்டுகள் காத்திருந்தார் பூஜா ஹெக்டே. அந்த வாய்ப்பு பீஸ்ட் படத்தின் மூலம் நிறைவேறியது.
இந்நிலையில் இந்தியில் அவர் ஷாகித் கபூருடன் இணைந்து ‘தேவா’ என்ற படத்தில் நடித்துள்ளார். இந்த படத்தை சமீபத்தில் பார்த்த சென்சார் அதிகாரிகள் அதில் இடம்பெற்றிருந்த நெருக்கமான முத்தக் காட்சிகள் மற்றும் சில ஆபாச வசனங்களுக்கு எதிர்ப்பு தெரிவித்து நீக்க சொல்லியுள்ளனர். படக்குழுவினர் அதற்கு ஒத்துக்கொண்ட நிலையில் சென்சார் அதிகாரிகள் யு ஏ சான்றிதழ் வழங்கியுள்ளனர்.
