ஆஸ்திரேலியா முதல் இன்னிங்ஸில் 3 விக்கெட்டுகளை மட்டும் இழந்து 589 ரன்கள் பெற்று இன்னிங்ஸ் வெற்றி பெற்றுள்ளது மிகப்பெரும் சாதனையாக பார்க்கப்படுகிறது. இந்நிலையில் ஆஸ்திரேலியாவின் இந்த வெற்றி குறித்து ட்விட்டரில் கருத்து தெரிவித்த இங்கிலாந்து வீரர் மைக்கெல் வான் “அடிலெய்டில் நடந்த ஆஸ்திரேலிய தொடரை பார்த்தேன். ஆஸ்திரேலியா இப்போது இருக்கும் பலத்திற்கு எந்த அணியை வேண்டுமானாலும் வீழ்த்தும். ஆனால் ஆஸ்திரேலியாவை அதன் சொந்த மண்ணில் வீழ்த்த ஒரு அணியால் மட்டுமே முடியும். கோலி தலைமையில் அமைந்த இந்திய அணிதான் அது” என்று தெரிவித்துள்ளார்.
